1926-1928-Cİ İLLƏRDƏ ÇOVDAR ƏRAZİSİNDƏKİ ARXEOLOJİ ABİDƏLƏRİN ÖYRƏNİLMƏ TARİXİ (II HİSSƏ)

Abstract

Tədqim olunan məqalə Azərbaycan Respublikasının Milli Arxiv İdarəsi, Milli Azərbaycan Tarixi Muzeyinin “Arxeologiya elmi fond” şöbəsində qorunmaqda olan artefaktlar və inventar kitabları, həmin müəssisənin kitabxanası və “Sənədli mənbələrin elmi fond” şöbəsinin materialları, eyni zamanda “Milli Arxiv” (“Sənədlərlə iş“)şöbəsi, bundan əlavə AMEA Arxeologiya və Antropologiya İnstitutunun “Elmi Arxiv” şöbəsinin materialları, AMEA Mərkəzi Elmi Kitabxana və Azərbaycan Milli Kitabxanasının müxtəlif fondlarında qorunmaqda olan materiallar əsasında yazılıb. Məqalə bu günə kimi arxeoloji elmi ədəbiyyatlarda istinad verilən əsərlərlə bağlı təhrif olunma hallarını üzə çıxarmaqla yanaşı, bundan öncə bu mövzuda yazılmış məlumatların əksinə olaraq ilkin vəsəhih mənbələrə əsaslanıb və Davud bəy Şərifovun Daşkəsənin Çovdar kəndi ərazisində apardığı arxeoloji qazıntı işləri ilə bağlı daha dəqiq məlumatları təqdim edir.