GÜRCÜSTANDA TÜRK ETNİK VARLIĞININ TƏKAMÜL MƏRHƏLƏLƏRİ BARƏDƏ

Abstract

Müasir Gürcüstan ərazisinin minillər boyu türk tayfalarının məskəni olduğunu çoxsaylı
tarixi abidələr, arxeoloji qazıntılar və yazılı məxəzlər sübut edir. Ən qədim gürcü yazılı qaynağı
«Moktsevai Kartlisay» («Kartlinin xristianlığa keçməsi») salnaməsində b.e.ə. IV əsrdə Kartlidə
Kür çayı boyunda buntürk tayfası barədə məlumat verilir. Daha sonra bu ərazilərdə hunlar,
barsillər, peçeneqlər, onoğurlar, saraqurlar, sabirlər, xəzərlər, qıpçaqlar, oğuzlar və digər türk
tayfa birlikləri görünürlər. Məqalədə əsasən orta əsr gürcü yazılı mənbələrinə istinad edilərək
Borçalı-Qarapapaq və Ahısqa türklərinin etnogenezində mühüm rol oynamış bu türk
qövmlərinin Cənubi Qafqazda baş vermiş etnosiyasi proseslərdə iştirakı və Gürcüstanda türk
etnik varlığının təkamül mərhələləri araşdırılır.
Açar sözlər: “Moktsevai Kartlisay”, “Kartli çarlarının həyatı”, buntürklər, xəzərlər, qıpçaqlar