İSLAM AİLƏ HÜQUQUNDA EVLİLİYİN MEYDANA GƏLMƏ ŞƏRTLƏRİ

Abstract

Ailə hüququ islam hüququnun müstəqil bir hissəsini təşkil edir. Klassik islam hüququ
kitablarında bu hissə “nikah-talaq” başlığı altında araşdırılır. İslam hüququnun mənbələri və
sistemi, Roma hüququndan qaynaqlanan müasir Avropa hüququnun digər hüquq sistemlərindən
fərqlənir. İslam hüququ yalnız insanların bir-biri ilə olan əlaqələrini tənzimləməmiş, eyni
zamanda Allahla insan arasında olan əlaqəyə də yer vermişdir. Klassik fiqh kitablarında həmişə
ilk hissə ibadətə ayrılmışdır. İslam hüquqşünasları Roma hüququndan qaynaqlanan bir sıra
şəxsi hüquq qanunlarına yer verməyərək islam hüququnu “İbadət”, “Müaməlat” (borc ticarət
üsul hüququ) və “Uqubat”(cəza hüququ ) kimi başlıqlara ayırmışlar.
Açar sözlər: ailə, islam, hüquq